5 ástæður hvers vegna vax er besti vinur vínsins
Kæri vínunnandi! Í dag datt mér í hug að skoða aðeins þéttingar á flöskum, nánar tiltekið þá heillandi og gamalgrónu aðferð að nota vax til viðbótar við flöskutappa. Það er bara eitthvað svo aðlaðandi við flösku sem er innsigluð á þennan hátt. Þetta er eins og afturhvarf til liðins tíma víngerðar þar sem handverk og hefðir réðu ríkjum.
Þú hefur ef til vill velt því fyrir þér þegar þú sérð vínflösku með vaxhettu yfir stútnum hvers vegna víngerðarfólk notar þessa aðferð til að loka vínflöskum. Af hverju þá ekki á allar flöskurnar sínar? Hverjar eru ástæður á bak við þessa aðferð? Ef við setjum til hliðar fagurfræðina þá eru nokkrar traustar og hagnýtar ástæður á bak við þessa hefð sem þú getur sagt frá í næsta matarboði. Kíkjum á nokkrar ástæður.
1. Vax til að vernda korkinn, tappann inni í flöskunni:
Korktappi er úr náttúrulegu efni sem gerir hann viðkvæmann fyrir ytri aðstæðum. Líkt og er með önnur lífræn efni geta þau þornað og orðið stökk með tímanum. Það er svo sannarlega ekki eitthvað sem við viljum að gerist með korktappa. Vínið á þannig auðveldara með að skemmst þegar korkurinn missir eiginleika sína. Einnig getur verið erfitt að ná tappanum úr flöskunni þegar hann er orðinn þurr og harður.
Vax kemur hér til bjargar með því að búa til hlíf fyrir korkinn. Þessi hindrun heldur raka í tappanum og kemur í veg fyrir að korkurinn þorni. Þegar korkurinn þornar skerðir það getu hans til að loka flöskunni á viðunandi hátt.
2. Að halda korkblettum í skefjum:
Korkablettur – erkióvinur vínunnandans og vínsins sjálfs. Það er þessi angurværa myglulykt og ólystuga bragð sem þú gætir fundið fyrir í sumum flöskum. Sökudólgurinn hér er oft efnasamband sem kallast 2,4,6-tríklóranísól (TCA). Það getur þróast í korkinum og skemmt vínið. Vax er eins og verndarskjöldur sem stendur á milli korksins og hugsanlegrar uppsprettu mengunar. Þannig er erfiðara fyrir TCA að myndast.
3. Auðveldara að sjá ef átt hefur verið við flöskuna:
Hefur þú einhvern tíma fengið vín að gjöf sem er með vax utan um stútinn á flöskunni? Það er óneitanlega eitthvað sérstakt við það. Það er ekki bara merki um glæsileika, heldur er það líka trygging fyrir áreiðanleika. Ef einhver reynir að eiga við flöskuna mun innsiglið brotna eða sýna merki um að mögulega hefur verið átt við vínið. Þetta er einföld en samt áhrifarík leið til að tryggja að innihald flöskunnar sé ósnortið og ósvikið.
4. Vínið gert til að eldast betur:
Ef þú ert að safna vínum og byggja upp þinn eigin vínkjallara eða safn af vínum ættir þú að leitast eftir vaxlokuðum flöskum. Vaxlokun er oft valin fyrir vín af meiri gæðum og er ætlað að eldast vel til fjölda ára. Hvers vegna? Það er vegna þess að aðferðin varðveitir betur örloftslagið sem er inni í flöskunni og verndar korktappann gegn hitasveiflum, rakabreytingum og birtu. Allir þessir þættir geta flýtt fyrir öldrun víns og ekki alltaf á góðan hátt. Með vaxlokun getur vínið þitt þróað stórkostlegt bragð og ilm sem það er þekkt fyrir og það án ytri áhrifa.
5. Vegvísir í hillunni:
Vaxlokun eru eins og vegabréf vínsins í vínkjallaranum eða safninu hjá þér. Safnarar elska að finna flöskur með vax utan um opið sem hjálpar til að sjá í fljótu hvaða vín eru ætluð til snemmneyslu og hvaða vín eiga möguleika á lengri öldrun. Það er handhægur leiðarvísir til að byggja upp gott og skipulagt safn af vínum. Svo þegar þú opnar vaxlokaða flösku sem hefur fengið að þroskast á hægan máta áttu eftir að njóta biðtímans með einstaklega góðu víni.
Framleiðandi vínana á VINOS notast við vaxlokun á ýmsar gerðir. Hér er listi af þeim sem fást í netverslun á þessari síðu.
Í hnotskurn eru vaxþéttingar ekki bara „hipp og kúl“ og sjarmerandi heldur er það í megin atriðum til verndar vínsins í vínflöskunni. Það er til að tryggja að korkurinn haldi eiginleikum sínum, bægja frá korkblettum sem getur orsakað ónotalegt bragð af víninu, gefa víninu áreiðanleika og auka öldrunarmöguleika þess. Svo næst þegar þú verslar þér vínflösku með vaxinnsigli veistu að það er meira á bak við innsiglið en bara heillandi útlit – það er útfærsla á gæðum og hefð í víngerð. Skál fyrir yndislegum heimi vaxlokaðra vínflaska! 🍷